Құрметті Шыңғырлау ауданы әкімдігінің ресми интернет-ресурсына келушілер!


Шыңғырлау өңірі байтақ қазақ жұртының бір мекені. Оның да өзіндік табиғи ерекшелігі, замани тарихы мен шежіресі бар.

Аққұмында Ақшахан шаһарын салдырған, Торатбас пен Қыземшекте Қобланды батыр қылышын қалдырған, Шыңғырлау өзенінен Асан қайғы бабамыз желмаясының шөлін қандырған құтты мекен, киелі орда.   

Ақ Жайықтың Ресейге ашылатын қақпасы саналатын Шыңғырлау ауданы даңқты қолбасшы Табын Бөкенбай баһадүрдің, оның ұрпақтары Тіленші, Жоламан батырлардың Отаны. Егеулі найзаны қолға алып ел қорғаған бабалар ерлігін жалғастырған Сүндетқали Есқалиев, Андрей Тихоненко, Георгий Шевцов, Бисенғали Мұқанбетовтардың елі.

Жыр дүлділі Көшелек жырау мен ән бұлбұлы Қалампыр Рахимованың қасиетті өлкесі. Бабалар өсиетіне адал өскелең ұрпақтың өмір сүріп, еңбек етіп жатқан шырайлы өңірі.       

Шыңғырлау өңірі табиғаты мал өсіруге, сонымен бірге егін егуге де қолайлы. Ауданда ет шаруашылығын дамыту мақсатында ірі қара мал - қазақтың ақбас сиыры, көшім жылқысы мен Еділбай қойы өсіріледі.

Біздің интернет-ресурсымызға келушілер ауданымыздың тарихымен танысып, ауданда болып жатқан тың жаңалықтар туралы білуге, өзін толғандырып жүрген сауалдарына жауап алып, өз ұсыныс-пікірлерін ұсынуға мүмкіндік алады.

Интернет-ресурсымызда өңірдің әлеуметтік-экономикалық даму қорытындылары, өңірлік бағдарламаларды іске асыру барысы, жүргізіліп жатқан іс-шаралар, жүзеге асырылып отырған жобалар, атқарылған істер көрініс табады.

Аудан әкімінің аппараты аталған интернет-ресурсты жетілдіру бойынша қажетті шараларды ұдайы қабылдайды. Егер интернет-ресурстың жұмысын жақсарту, жетілдіру жөніндегі ұсыныстарыңыз болса, біз ризашылықпен қабылдаймыз.

Барша аудан тұрғындарына дендеріне саулық, отбасыларына амандық тілеп, Шырайлы Шыңғырлау өңірін гүлдендіріп, көркейтуге шақырамын!

Біздің интернет-ресурсқа қош келдіңіздер!

Құрметпен,

Шыңғырлау ауданының әкімі

Альберт Темірболатұлы Есалиев

 

  

Жаңалықтар


 

Тәрбие басы - тәрбиешіде

26.06.2017

Тәрбие басы - тәрбиешіде

Аудан орталығындағы «Болашақ» балабақшасы аудандағы бала-лардың мектепке дейінгі біліммен қамтамасыз етілуі мәселесін түбегейлі шешіп берді. Қазір ата-ана өз балапандарын өздері қалаған кез-келген балабақшаға орналастыра алады.

Толығырақ...

Оралдағы жерлестермен кездесу

26.06.2017

Оралдағы жерлестермен кездесу

Жақында Орал қаласында тұратын шыңғырлаулықтармен аудан әкімі Альберт Есалиев кездесу өткізді. Елбасы Н.Назарбаевтың туған жерге арналған мағынасы терең ұсыныс, ойлары жөніндегі мәселені негіз еткен басқосу жақсы өтті. Аудан басшысы жиынды ашып мақсаты мен мағынасын ашқан соң, аудан әкімінің орынбасары Қ.Айтмұхамбетов баяндама жасады.

Толығырақ...

Балаларға – базарлық, ата-анаға қуаныш

26.06.2017

Балаларға – базарлық, ата-анаға қуаныш

Ауданымыздың «Дән» ЖШС аумағында жаңа ойын алаңы ашылды. Осы аумақтағы мәдениет үйі ауласындағы ашық алаңқай көп уақыттан бері қолданусыз тұрып қалған болатын. Сыртында шарбағы болғанымен, алаңқайдың өзін шөп басып, қаулап өсіп көкорайға бөленіп тұратын.

Толығырақ...

Мерейтойға арналған жарыс

26.06.2017

Мерейтойға арналған жарыс

Шыңғырлау аудандық балалар мен жасөспірімдер спорт мектебінде ауданымыздың құрметті азаматы, ардақты жерлесіміз Алғали Бақтиярұлы Тасмағанбетовтің 80 жасқа толуына орай волейболдан ардагерлер арасында турнир өтті.

Толығырақ...

Жұбаныштың жеңісі

26.06.2017

Жұбаныштың жеңісі

Дана халқымызда ер жігіт ұғымына үлкен жүк артылған. «Жігітте де жігіт бар, азаматы бір бөлек» деген нақыл сөз осыған дәлел болса керек. Ал, «жігіттің сұлтаны» деген атаққа білекті де жүректі, ер тұлғалы, өр намысты, сөзі мірдің оғындай, батырлығы көз сүйсіндірер оғландарымыз ғана тең.

Толығырақ...

Халық танып, ел бағалаған маман

26.06.2017

Халық танып, ел бағалаған маман

Басың ауырып, денсаулығың сыр бергенде емханаға бет аламыз. Сырқатыңды емдеп қана қоймай, жансаулығыңды қамдайтын, денсаулыққа сақ болу қажеттігін де ескертіп шыр-пыр болып жататын дәрігерлердің қадірін біліп-білмей жататын тұстарымыз көп.

Толығырақ...

Барлық жаңалықтарды оқу ...