Құрметті Шыңғырлау ауданы әкімдігінің ресми интернет-ресурсына келушілер!


Akim

Шыңғырлау өңірі байтақ қазақ жұртының бір мекені. Оның да өзіндік табиғи ерекшелігі, замани тарихы мен шежіресі бар.

Аққұмында Ақшахан шаһарын салдырған, Торатбас пен Қыземшекте Қобланды батыр қылышын қалдырған, Шыңғырлау өзенінен Асан қайғы бабамыз желмаясының шөлін қандырған құтты мекен, киелі орда.   

Ақ Жайықтың Ресейге ашылатын қақпасы саналатын Шыңғырлау ауданы даңқты қолбасшы Табын Бөкенбай баһадүрдің, оның ұрпақтары Тіленші, Жоламан батырлардың Отаны. Егеулі найзаны қолға алып ел қорғаған бабалар ерлігін жалғастырған Сүндетқали Есқалиев, Андрей Тихоненко, Георгий Шевцов, Бисенғали Мұқанбетовтардың елі.

Жыр дүлділі Көшелек жырау мен ән бұлбұлы Қалампыр Рахимованың қасиетті өлкесі. Бабалар өсиетіне адал өскелең ұрпақтың өмір сүріп, еңбек етіп жатқан шырайлы өңірі.       

Шыңғырлау өңірі табиғаты мал өсіруге, сонымен бірге егін егуге де қолайлы. Ауданда ет шаруашылығын дамыту мақсатында ірі қара мал - қазақтың ақбас сиыры, көшім жылқысы мен Еділбай қойы өсіріледі.

Біздің интернет-ресурсымызға келушілер ауданымыздың тарихымен танысып, ауданда болып жатқан тың жаңалықтар туралы білуге, өзін толғандырып жүрген сауалдарына жауап алып, өз ұсыныс-пікірлерін ұсынуға мүмкіндік алады.

Интернет-ресурсымызда өңірдің әлеуметтік-экономикалық даму қорытындылары, өңірлік бағдарламаларды іске асыру барысы, жүргізіліп жатқан іс-шаралар, жүзеге асырылып отырған жобалар, атқарылған істер көрініс табады.

Аудан әкімінің аппараты аталған интернет-ресурсты жетілдіру бойынша қажетті шараларды ұдайы қабылдайды. Егер интернет-ресурстың жұмысын жақсарту, жетілдіру жөніндегі ұсыныстарыңыз болса, біз ризашылықпен қабылдаймыз.

Барша аудан тұрғындарына дендеріне саулық, отбасыларына амандық тілеп, Шырайлы Шыңғырлау өңірін гүлдендіріп, көркейтуге шақырамын!

Біздің интернет-ресурсқа қош келдіңіздер!

Құрметпен,

Шыңғырлау ауданының әкімі

Альберт Темірболатұлы Есалиев

 

  

Жаңалықтар


 

Жаңа бизнес-идеяларды іске асыруға мемлекеттік гранттар берілді.

17.01.2019

рисунок

Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасының ІІ бағыты «Жаппай кәсіпкерлікті дамыту» аясында мемлекеттік гранттар бастапқы бизнесті іске асырып жатқан немесе іске асыруды жоспарлайтын Бағдарламаға қатысушыларға өтеусіз және қайтарымсыз негізде беріледі.

Толығырақ...

Пиротехниканы пайдалану кезіндегі сақтық шаралары

27.12.2018

27 12 18 news 1

Жаңа жыл түні аспан мыңдаған түрлі түсті оттармен жарықтандырылады - пиротехника қолданылады. Мерекелік көңіл-күйді күтпеген жерден пиротехниканы қолданудан болған күю және басқа жарақаттарға жол бермеу үшін қауіпсіздік шараларын ұмытпаған жөн.

Пиротехникалық өнімдер Еуразиялық экономикалық одақ аумағында Кеден одағының «Пиротехникалық өнімдердің қауіпсіздігі туралы» техникалық регламенті талаптарына сәйкес сәйкестікті бағалауға жатады.

Толығырақ...

Аудан орталығы Шыңғырлау ауылының кіре-берісі маңында қарағай (сосна) отырғызу шарасы өтті.

19.12.2018

19 12 18 news 2

Тәуелсіздік мерекесі қарсаңында, аудан орталығын көғалдандыру үшін 200 түп қарағай отырғызылды. Аталмыш шараға облыс әкімінің орынбасары Ғабидолла Оспанқұлов, аудан басшылығы, аудан ақсақалдары, аудандық мекемелердің қызметкерлері және жас өрендер қатысты.

Толығырақ...

Шыңғырлау ауданында «Асан Қайғы аялдаған аяулы мекен – Шыңғырлау!» атты ғылыми-практикалық конференция өтті.

19.12.2018

19 12 18 news 1

Елбасымыз Н.Назарбаевтың «Болашаққа бағдар: рухани жаңғыру» және күні кеше жарияланған «Ұлы даланың жеті қыры» мақалаларының мазмұндарында келтірілген тарихи тұлғаларымызды дәріптеу арқылы келер ұрпақ жанында мәңгі сақталар ұлы тұлғалардың бірі Асан Қайғы бабамызға арналған «Асан Қайғы аялдаған аяулы мекен-Шыңғырлау!» тақырыбындағы ғылыми-практикалық конференция ұйымдастырылды.

Толығырақ...

«Қазпоштадағы» мерекелік шара

24.10.2018

24 10 18 news 8

Аудан орталығындағы «Қазпошта» мекемесі пошта қызметкерлері мерекесі мен баспасөзге жазылу күнін атап өтті. Соңғы кездері күрделі жөндеуден өтіп, жаңаша жұмыс жүйесін енгізе отырып табысты еңбек етіп жатқан ұжымды аудан басшысы А.Есалиев арнайы құттықтады.

Толығырақ...

Басылымның абыройы менмерейін асырған күн

24.10.2018

рисунок

Елбасы Н. Назарбаевтың  «Рухани жаңғыру» мақаласынан туындайтын «Туған жер»  бағдарламасына сәйкес облыстық «Жайық Пресс» медиахолдингінің өңірімізге  арнап  жоспарланған  «Туған жер» этно-мәдени жобасы аясында жақында Шыңғырлау жерінде  айшықты шара оздырылды.

Толығырақ...

Барлық жаңалықтарды оқу ...