Құрметті Шыңғырлау ауданы әкімдігінің ресми интернет-ресурсына келушілер!


Шыңғырлау өңірі байтақ қазақ жұртының бір мекені. Оның да өзіндік табиғи ерекшелігі, замани тарихы мен шежіресі бар.

Аққұмында Ақшахан шаһарын салдырған, Торатбас пен Қыземшекте Қобланды батыр қылышын қалдырған, Шыңғырлау өзенінен Асан қайғы бабамыз желмаясының шөлін қандырған құтты мекен, киелі орда.   

Ақ Жайықтың Ресейге ашылатын қақпасы саналатын Шыңғырлау ауданы даңқты қолбасшы Табын Бөкенбай баһадүрдің, оның ұрпақтары Тіленші, Жоламан батырлардың Отаны. Егеулі найзаны қолға алып ел қорғаған бабалар ерлігін жалғастырған Сүндетқали Есқалиев, Андрей Тихоненко, Георгий Шевцов, Бисенғали Мұқанбетовтардың елі.

Жыр дүлділі Көшелек жырау мен ән бұлбұлы Қалампыр Рахимованың қасиетті өлкесі. Бабалар өсиетіне адал өскелең ұрпақтың өмір сүріп, еңбек етіп жатқан шырайлы өңірі.       

Шыңғырлау өңірі табиғаты мал өсіруге, сонымен бірге егін егуге де қолайлы. Ауданда ет шаруашылығын дамыту мақсатында ірі қара мал - қазақтың ақбас сиыры, көшім жылқысы мен Еділбай қойы өсіріледі.

Біздің интернет-ресурсымызға келушілер ауданымыздың тарихымен танысып, ауданда болып жатқан тың жаңалықтар туралы білуге, өзін толғандырып жүрген сауалдарына жауап алып, өз ұсыныс-пікірлерін ұсынуға мүмкіндік алады.

Интернет-ресурсымызда өңірдің әлеуметтік-экономикалық даму қорытындылары, өңірлік бағдарламаларды іске асыру барысы, жүргізіліп жатқан іс-шаралар, жүзеге асырылып отырған жобалар, атқарылған істер көрініс табады.

Аудан әкімінің аппараты аталған интернет-ресурсты жетілдіру бойынша қажетті шараларды ұдайы қабылдайды. Егер интернет-ресурстың жұмысын жақсарту, жетілдіру жөніндегі ұсыныстарыңыз болса, біз ризашылықпен қабылдаймыз.

Барша аудан тұрғындарына дендеріне саулық, отбасыларына амандық тілеп, Шырайлы Шыңғырлау өңірін гүлдендіріп, көркейтуге шақырамын!

Біздің интернет-ресурсқа қош келдіңіздер!

Құрметпен,

Шыңғырлау ауданының әкімі

Альберт Темірболатұлы Есалиев

 

  

Жаңалықтар


 

Тағылымға толы семинар

31.10.2017

Тағылымға толы семинар

Елбасы Н.Назарбаевтың «Болашаққа бағдар: Рухани жаңғыру» мақаласы аясындағы  бағдарламаға  орай  ауданымызда айшықты шара өтті. «Алаш құндылықтары және Қазақстанның елдік  мүддесі» тақырыбындағы аймақтық ғылыми-тәжірибелік семинарға қоса  оздырылған   «Ұлы дала  құндылықтары» жобасына арналған  мәдени  шара оған  қатысушылардың рухани - құнды  азық алып, тарихтың біз ашпаған беттерін ашып, көптеген құнды деректермен  таныстыруға мүмкіндік берді. 

Толығырақ...

Қайырымдылық қашанда қадірлі

31.10.2017

Қайырымдылық  қашанда қадірлі

Қазан айы қайырымдылық шараларымен қайырлы болып тұр. Ауданымыздағы мекеме, ұйымдар өз ұжымдарында еңбек етіп, зейнетке шыққан адамдарды еске алып, жай-күйлерін біліп, құрметтеуді дәстүрге айналдырған.

Толығырақ...

Жылы шырайлы кездесу

31.10.2017

Жылы шырайлы кездесу

“Қарты бар үйдің - қазынасы бар” дейді халқымыз. Отбасының тірегі, әрі ұйтқысы, немерелерінің қорғанышы, балаларының ақылшысы, асқар тауы – қарттарымыз!

Толығырақ...

Жүрекке жеткен жүздесулер

31.10.2017

Жүрекке жеткен жүздесулер

Қазан айының 1-31-і аралығында өтіп жатқан «Қайы-рымдылық айлығы» аясында аудандық жұмыспен қамту және әлеуметтік бағдарламалар бөлімінің үйден арнаулы әлеуметтік көмек көрсету бөлімшесі де түрлі кездесулер, көңіл тебірентерлік жүздесулер өткізуге мұрындық болды.

Толығырақ...

Волейболдан облыс біріншілігі

31.10.2017

Волейболдан облыс біріншілігі

Балалар мен жасөспірімдер спорт мектебінің ғимаратында волейболдан қыздар арасында облыс біріншілігі өтті.

Толығырақ...

Ауданымызда –Алтын ханшайым!

31.10.2017

Ауданымызда –Алтын ханшайым!

Өткен жексенбіде аудандық мәдениет үйінде «Ұлы дала құндылықтары» жобасымен Батыс Қазақстан  облыстық тарихи-өлкетану мұражайы қызметкерлері келді. Елбасы Н.Назарбаев: «Туған жер әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмірбақи тұратын өлкесі. Оны қайда жүрсе де жүрегінің түбінде әлдилеп өтпейтін жан баласы болмайды.

Толығырақ...

Барлық жаңалықтарды оқу ...